كيفاش تدير الطلب؟
صيفط إيميل من العنوان المرتبط بالحساب لـdev@lbeldi.ma، وكتب فالموضوع: Account deletion request. زيد رقم الهاتف المرتبط بالحساب إلا كان عندك.
إلا ما بقاتش عندك الولوج للإيميل، شرح لينا المشكل بلا ما تصيفط كلمة السر ولا رمز الدخول. غادي نطلبو غير المعلومات الضرورية للتحقق من الهوية.
شنو كيوقع من بعد؟
- كنأكدو التوصل بالطلب وكنتحققو من الهوية.
- كنوقفو الحساب ونحيدو أو نفصلو البيانات اللي ما بقاش ضروري نحتافظو بها.
- كنأكدوا ليك ملي يكمل الحذف، أو نشرحو ليك شنو خاص يبقى والسبب القانوني ديالو.
شنو يمكن يبقى؟
الحذف ما كيلغيش الطلبات اللي مازال مفتوحة، الديون، الإرجاعات، ولا النزاعات. نقدروا نحتافظو مؤقتاً بسجلات الطلب والفواتير والأمان والشكايات إلا كان القانون كيفرضها أو كانت ضرورية لإثبات معاملة أو حماية الحقوق. ما غاديش نستعملو هاد السجلات للتسويق.
بديل الحذف الكامل
إلا بغيتي غير تصحح معلومة، توقف التسويق، أو تاخذ نسخة من بياناتك، كتب نفس الطلب لـdev@lbeldi.ma. الحقوق ديالك كتخضع للقانون المغربي رقم 09-08.